Մայիսի 20-ին Երևանի հ. 150 հիմնական դպրոցի դահլիճում թևածում էր բարձր, տոնական տրամադրություն: 4-րդ դասարանի աշակերտները մեծ ոգևորությամբ նշում էին իրենց տարրական դասարանը ավարտելու իրադարձությունը: IV-ի ա, բ, գ, դ, ե, դասարանների 120 աշակերտ բեմում էին: Նրանք բեմահարթակից ներկայացրեցին մի ցերեկույթ, որն իր մեջ ամփոփում էր երգն ու պարը՝ պարուրելով հանդիսատեսին հուզիչ խոսքերով և բառերով: Միջոցառման խորագիրն արդեն խոսուն էր՝ <<Հրաժեշտի և հանդիպման ակնթարթ>>: Միջոցառմանը մասնակցում էին նաև երեխաներ, որոնք նոր ուսումնական տարում պետք է դառնան առաջին դասարանցիներ:
