Ապրիլի 25-ին ՀՀ բոլոր դպրոցներում համաժամանակյա հանդիպում էր ոստիկանության աշխատակիցների հետ: Նախաձեռնությունը բխում էր անհրաժեշտությունից: Այսօր երեխան բավականաչափ իրազեկված է կյանքում տեղ գտած բացասական երևույթների մասին: Որպես վաղվա քաղաքացիական հասարակության լիարժեք անդամ` աշակերտն այսօրվանից պետք է ինֆորմացված լինի իր իրավունքների և պարտականությունների մասին: Աշակերտը պետք է զերծ մնա շրջապատի պատահական շփումներից և ազդեցություններից: 
 Ֆ. Նանսենի անվան հ.150 հիմնական դպրոցում դասը վարեց ոստիկանը: Նրա վարած դասը համեմված էր կյանքից վերցրած դրվագներով, որոնք երեխաները լսում էին կլանված: Աշակերտները նաև ունեին շատ հարցեր, որոնց սպառիչ պատասխանները ակնկալում էին ստանալ ոստիկանից:
«Ի՞նչպես կարելի է ոստիկան դառնալ, դժվար չէ՞ ոստիկանի աշխատանքը: Ի՞նչ անվանի ոստիկաններ են եղել, որո՞նք են նրանց կյանքի հետաքրքիր իրավիճակները և վերջապես հանցանքի և զանցանքի մասին»:
Դասը վարող ոստիկանը գոհ էր հանդիպման արդյունքից: Նա նշեց, որ իրենք էլ ամեն հանդիպման ժամանակ նկատում են աշակետների մասնակցության ակտիվացումը, հետաքրքրությունների լայն շրջանակը և գրագետ հարցադրումներն ու հայեցի խոսքը:
 Անչափ շնորհակալ ենք նման դասի համար: Նման դասերը շատ կարևոր են դեռահաության շրջանը հաղթահարող աշակերտների աշխարհայացքի ձևավորման համար:

Ապրիլի 23-ին Երևանի Ֆ. Նանսենի անվան հ. 150 հիմնական դպրոցում անցկացվեց սեմինար <<Ներառական կրթություն>> թեմայի շուրջ:
 Ներառական կրթությունը հանրակրթության զարգացման գործընթաց է, որը ենթադրում է կրթության մատչելիություն բոլորի համար, երեխաների ամենատարբեր կարիքների բավարարմանն ուղղված բոլոր տեսակի միջոցների ապահովում, ինչը հանրակրթական դպրոց մտնելու այցեքարտ է ընձեռնում հատուկ կարիքներ ունեցող երեխաներին:
 Սեմինարը վարեց Ռ. Սամվելյանը, որը նոր էր վերադարձել  Իզրաելում անցկացված սեմինարներց, իր հետ բերելով նոր գաղափարներ, մեթոդներ, մոտեցումներ:
Սեմինարին ներկա էին Գայանե Սողոմոնյանը, Սուսաննա Թադևոսյանը, Երևանի ներառական կրթություն իրականացնող դպրոցների տնօրեններ, ուսուցիչներ:

Երևանի հ. 150 հիմնական դպրոցում տեղի ունեցած  Կոմիտասի 145 ամյակին նվիրված միջոցառումը հայեցի դաստիարակության, ազգային ավանդույթների պահպանման մի յուրօրինակ դաս էր:
Ազգը մեծ է իր մեծերով, իսկԿոմիտասը հայազգի անկրկնելի մեծերից է ,այն զարկերակներից, որով հավերժորեն սնվում է հայ ժողովուրդը:
Միջոցառման սկզբում հնչած կոմիտասյան երգի ելևէջները տարածվեցին դահլիճում՝ փոթորկելով ունկնդրի էությունը ազնվության, կարոտի, հույսի, ազատության և «չկեռանալով» ապրելու տենչով: Իրենց խոսքում աշակերտները հաստատուն կերպով շեշտեցին, որԿոմիտասն այն ձնծաղիկն էր, որ իրենով գարուն բերեց, ջերմացրեց ու ապրեցրեց մեզ՝ դառնալով երաժշտության Մեստոպ Մաշտոց:
Միջոցառումը ևս մեկ անգամ փաստեց՝ Կոմիտասի երգը լսելիս հայն ավելի է մարդանում, իսկ մարդը՝ ավելի հայանում: Միջոցառումը կազմակերպել էր  հայոց լեզվի և գրականության ուսուցչուհի Ա. Լալազարյանը 5-րդ ա դասարանում: 

2014 թ. ապրիլի 15-ին Ֆ. Նանսենի անվան հ. 150 հիմնական դպրոցում տեղի ունեցավ միջոցառում նվիրված «Սուրբ Հարության» տոնին:
Միջոցառմանը մասնակցում էին դպրոցի IIա աշակերտները, որը կազմակերպել էր դասարանի դասվար է. Մանուկյանը: Միջոցառմանը ներկա էին  հոգևոր հովիվ տեր  Կարապետը, դպրոցի տնօրենություը, ուսուցիչներ և աշակերտներ:

Միջոցառման ավարտից հետո տեր Կարապետը  կատարեց դպրոցի Օրհնության կարգ:

 Ապրիլի 7-ը  մայրության ու գեղեցկության տոնն է: Շնորհավորելով մեր բոլոր մայրերին ու կանանց, քույրերին ու դուստրերին, մաղթենք, որ ամբողջ տարին առիթ ունենանք սքանչանալու նրանց գորովով ու սիրով, նրանց հմայքով ու գեղեցկությամբ, բայց և հարկ եղած դեպքում` նրանց ցուցաբերած կամքով ու կորովով:
Երևանի Ֆ. Նանսենի անվան N150 հիմնական դպրոցի 9-րդ  դասարանի աշակերտները ապրիլի 7-ի առթիվ մի շարք  անակնկալներ էին պատրասնել իրենց ուսուցիչների համար:

 Մարտի 3-ին Երևանի Ֆ.Նանսենի անվան հ.150 հիմնական դպրոցում անցկացվեց մեծանուն բանաստեղծ Պարույր Սևակի 90-ամյակին նվիրված միջոցառում: Միջոցառումը կազմակերպել էր հայոց լեզվի ուսուցչուհի Ս. Միրզոյանը 8ա դասարնում: 8ա դասարանի սաները  Սևակյան շնչով լցրեցին դպրոցի դահլիճը:Միջոցառման ընթացքում  հնչեցին  երգեր, Սևակի կատարմամբ պահպանված ձայնագրություն, միջոցառման վերջում ասմունքեց Ս. Միրզոյանը:
Ցերեկույթին ներկա էին աշակերտներ, ծնողներ, ուսուցիչներ, դպրոցի տնօրեն ՝ Մ. Հայրապետյանը:
<<Պարույր Սևակին լսել կարելի է անդադար, անվերջ` յուրաքանչյուր անգամ նրա ասելիքը ընկալելով նորովի: Հրաշալի միջոցառում էր, գեղեցիկ մատուցմամբ: 

 Բանաստեղծ, արձակագիր, գրական, ազգային և հասարակական գործիչ Հովհաննես Թումանյանը ծնվել է 1869թ. փետրվարի 19-ին:
 Ամեն տարի Երևանի Ֆ. Նանսենի անվան հ. 150 հիմնական դպրոցում մեծ շուքով են նշում Ամենայն Հայոց Բանաստեղծի ծննդյան օրը:
  Դպրոցում երրորդ դասաժամը հայտարարված էր Թումանյանական ժամ: I - IX դասարանցիները իրենց ուսուցիչների աջակցությամբ մաս - մաս անդրադարձան գրողի կենսագրական տվյալներին, նրա փայլուն գործերին: Շատ խորն է Թումանյանը, որքան ուսումնասիրում ես այս Մեծ մարդուն, այնքան նա բարձրանում է և' որպես գրող, և' որպես քացղաքացի, և' որպես հայ մարդ: Դպրոցի տնօրենը և փոխտնօրենները մտնելով յուրաքանչյուր դասարան, կարծես տեսան  Ամենայն Հայոց Բանաստեղծին,  զգացին նրա շունչը:   Փետրվարի 19-ը՝ հայ մեծ բանաստեղծ Հովհաննես Թումանյանի ծննդյան օրը, արդեն մի քանի տարի Հայաստանում նշվում է որպես գիրք նվիրելու օր: