Երևանի Ֆ Նանսենի անվան հ. 150 հիմն. դպրոցում հայտարարված էր մաթեմատիկայի տասնօրյակ: Տասնօրյակի շրջանակներում տեղի ունեցան բաց դասեր, համակարգչային դասեր տարբեր դասարաններում:Տեղի ունեցավ նաև խաղ-վիկտորինա մրցույթ5ա, 5բ և 5գ  դասարանների միջև մաթեմատիկայից:Խաղի կանոնները այսպիսին էր` թվերի տակ թաքնված էր հարցը,յուրաքանչյուր թիմ ասում էր մեկ թիվ  և հարցը բացվում էր համակարգչի վրա: Կազմվել էր ժյուրիի թիմ, որը գնահատում էր յուրաքանչյուր պատասխանի դիմաց, հարցեր կար նախատեսված նաև  հանդիսատես աշակերտների համար:
  Մաթեմատիկայի տասնօրյակը դպրոցում  անցավ հետաքրքիր և հագեցած:
                                                                                                Տեա Նկարներ>>>

Թատրոնի միջազգային ինստիտուտի և Պարի միջազգային կոմիտեի նախաձեռնությամբ 1982 թվականից ի վեր ապրիլի 29-ը նշվում է որպես Պարի միջազգային օր՝ ի պատիվ ժամանակակից բալետի հիմնադիր, ֆրանսիացի պարուսույց Ժան Ժորժ Նովերրի ծննդյան օրվա (1727-1810):1995 թվականից Պարի միջազգային օրը նշվում է ՅՈՒՆԵՍԿՕ-ի բարձր հովանու ներքո: 
 Պարի միջազգային օրը նշվեց նաև մեր դպրոցում:

 
  Խաչը շատ կրոններում հանդիսանում է քրիստոնեական խորհրդանիշ և պաշտամունքի առարկա։ 
Խաչի ձևը առաջացել է հնուց։ Խաչի երկրպագումը տարածում գտավ հին կրոնական հավատալիքների մեջ։ Ժամանակի ընթացքում այն բազմաստված կրոններից անցավ միաստվածներին։
Քրիստոնեությունը ևս յուրացրեց խաչի խորհրդանիշը և այն կապեց Հիսուս Քրիստոսի խաչելության հետ։ Խաչը որպես սուրբ խորհրդանիշ ճանաչում են ուղղափառությունը,կաթոլիկությունը, լյութերականությունը։ Որոշ քրիստոնեական ուղղություններ չեն ընդունում խաչի սրբությունը, օրինակ` բապտիստները, ադվենտիստները և մի շարք այլ բողոքականդավանություններ։
 
 Ապրիլի 28-ին հ. 150 հիմնական դպրոցի աշակերտները մասնակցեցին Սուրբ Սարգիս եկեղեցում կազմակերպված <<Խաչը վեր պահենք>> եկեղեցական տոնակատարությանը: Նոր Նորք համայնքի բոլոր դպրոցների սաների և հասարակական կազմակերպությունների անդամների հետ միասին Սուրբ Սարգիս եկեղեցու հոգևորական տեր Նորայրի առաջնորդությամբ հ. 150 հիմնական դպրոցի աշակերտները Նոր Նորքի թաղապետարանի բակից երթով շարժվեցին դեպի 5-րդ զանգված` Սուրբ Սարգիս եկեղեցի: Այնտեղ մասնակցեցին կազմակերպված հետաքրքիր և բովանդակալից միջոցառմանը, արտասանեցին տերունական աղոթքը:Տես նկարներ>>>

1892-1923 թթ. զանգվածային տեղահանության է ենթարկվել և բնաջնջվել Արևմտյան Հայաստանի, Կիլիկիայի և Օսմանյան կայսրության նահանգների հայ բնակչությունը։ Պայմանականորեն Ցեղասպանության սկիզբն է համարվում 1915 թ. ապրիլի 24-ը, երբ Կոստանդնուպոլսում ձերբակալվեցին 250 հայազգի մտավորականներ։ Մեծ Եղեռնը հրեական Հոլոքոստի հետ մեկտեղ աշխարհում ամենաշատ ուսումնասիրված ցեղասպանությունն է:

  Երկրի և մայր Երկիր մոլորակի օրերը երկու տարբեր միջազգային տոներ են, բայց իմաստը նույնն է, քանզի այս օրը մեկ անգամ ևս մարդկության ուշադրությունն է հրավիրվում մեր մոլորակի բնապահպանական խնդիրների վրա:
 Այս օրը ողջ մարդկությունը, յուրաքանչյուրը պետք է խորհի և խնայողաբար վերաբերվի Երկիր մոլորակին: Ինչպես հավաստում են աշխարհում Մոլորակի օրը նշելու նախաձեռնողները, խոսքն այսպես կոչված «փոքրիկ գործերի» մասին է, որոնք կարող են օգուտ բերել շրջակա միջավայրին: Օրինակ` մարդիկ կարող են այս օրը մեքենայով երթևեկելու փոխարեն` հեծանվով տեղաշարժվել:Երկիր Մոլորակի օրը նշեց նաև մեր դպրոցը: Աշակերտները պատրաստել էին պաստառներ և նկարներ : Իսկ 4ա դասարանի դասղեկ Ս. Զատիկյանը մի հրաշալի դաս անցկացրեց ` նվիրված տոնին: Տես նկարներ>>>

  1983թ. ի վեր ՅՈՒՆԵՍԿՕ-ի 22-րդ Գլխավոր կոնֆերանսի հավանությանն արժանանալուց հետո Հուշարձանների և տեսարժան վայրերի միջազգային խորհուրդը (ԻԿՕՄՕՍ) ապրիլի 18-ը նշում է որպես Հուշարձանների և տեսարժան վայրերի միջազգային օր: Միջազգային հանրությանն առաջարկվել է օրը նշել «Կրթության ժառանգությունը» խորագրի ներքո:Հուշարձանների և տեսարժան վայրերի միջազգային օր
    Այսօր` Հուշարձանների և տեսարժան վայրերի միջազգային օրը,  Երևանի Ֆ. Նանսենի անվան հ. 150 հիմնական դպրոցի աշակերտները այցելեցին Ֆ. Նանսենի անվան պուրակ և ծաղիկներ դրեցին Մեծ                                                                          բարերարի հուշարձանի մոտ:           
  

Երևանի Ֆ. Նանսենի անվան հ. 150 հիմնական դպրոցումապրիլի 14-ին կազմակերպված  ծառատունկին մասնակցեցին դպրոցի բարձր դասարանի աշակերտները և մանկավարժական կոլեկտիվը:Տես նկարներ >>>

  Ապրիլի 12-ին աշխարհը նշում է Տիեզերագնացության և ավիացիայի միջազգային օրը: Դա հատուկ օր է, որը խորհրդանշում է գիտության և այդ ոլորտում աշխատող բոլոր մարդկանց հաղթանակը:
  Մեր դպրոցում նունպես նշվեց Տիեզերագնացության օրը: Դպրոցի ուսուցիչներ Ա. Սայադյանը և Ժ. Հովհաննիսյանը 9-րդ դասարաններում կազմակերպեցին  մի հրաշալի դաս` նվիրված Տիեզերագնացի օրվան: Դասը հագեցած էր և հետաքրքիր, դասալսող  ուսուցիչները  մեծ բավականություն ստացան երեխաների ստացած  տեղեկություններից  և գիտելիքներից: Դիտեցին նաև ֆիլմ` նվիրված տիեզերագնացության զարգացման պատմությանը: Տես նկարներ>>>

Ապրիլի 5-ին Երևանի Ֆ. Նանսենի անվան հ. 150 հիմնական դպրոցում,  համաձայն Երևանի փրկարարական վարչության պլանի,  Նոր Նորքի  համայնքային փրկարարական բաժնի կողմից անցկացվեց ուսումնական վարժանք`  << Հրդեհի >>  թեմայով:

   Մարտի 12-ին Ֆ. Նանսենի անվան հ. 150 հիմնական դպրոցի 9ա և 9բ դասարանի աշակերտները այցելեցին  <<Coca cola>> ընկերություն: Էքսկուրսիայի նպատակն էր աշակերտներին ծանոթացնել  հայկական գործարանների արտադրությանը  և նրանց նպատակային շուկա դուրս գալուն, ինչպես նաև նրանց մասնագիտական կողմնորոշման կայացմանը: