Blog Posts

Հովհաննես Շիրազ 100

12/4/2014

Երևրանի Ֆ. Նանսենի անվան հ. 150 հիմնական դպրոցի բազմամարդ դահլիճը այս անգամ դիտում էր միջոցառում՝ նվիրված Հովհաննես Շիրազի 100 ամյակին: Միջոցառման հեղինակը հայոց լեզվի ուսուցիչ, գրական խմբակի ղեկավար Լիլիթ Գրիգորյանն էր, որը բեմ էր բարձրացրել I-IX դասարանի այն աշակերտներին, որոնք ընդգրկված էին գրական խմբակում:
Այն մի յուրատեսակ նվեր էր` ձոն` նվիրված Շիրազի ծննդյան 100-ամյակին:
Բեմը դպրոցի համար դարձել է խիստ պահանջ,մի ուրույն հարթակ` մարդկային վեհ հատկանիշների, հայրենասիրության,գեղագիտական զգացումների դաստիրակության: Այս անգամ էլ այն կլանեց աշակերտ, ուսուցիչ, ծնող հանդիսատեսին, տոգորեց նրանց հոգիները պատվախնդրության, նվիրումի, անձնազոհության բարձր գաղափարններով:
Փոքրիկ բեմադրությունը պատգամ էր` սիրել մայրերին,հայոց հողը, պահել պահպանել հայոց ոգին, ազգայինը, հայեցին...

Մենք բոլորս հավասար ենք

12/4/2014

1992 թվականից ՄԱԿ-ի գլխավոր ասամբլեան Դեկտեմբերի 3-ը հռչակեց հաշմանդամների միջազգային օր՝ հանրության ուշադրությունը սևեռելով հաշմանդամություն ունեցող անձանց խնդիրների վրա:
2006-ի դեկտեմբերին Հայաստանը միացավ հաշմանդամների իրավունքների կոնվենցիային: 2008թվականի փետրվարին Հայաստանում ստեղծվեց հաշմանդամություն ունեցող անձանց հարցերով զբաղվող ազգային հանձնաժողով:
2010 թվականին Հայաստանը ստորագրեց և վավերացրեց ՄԱԿ-ի կոնվենցիան, ըստ որի պարտավորություններ ստանձնեց, պայմաններ ստեղծել հաշմանդամների իրավունքների պաշտպանության և հավասար իրավունքներ ստեծելու վերաբերյալ:
Երևանի Ֆ. Նանսենի անվան հ. 150 հիմնական դպրոցի տնօրենությունը և բազմամասնագիտական թիմը դեկտեմբերի 3-ին կազմակերպել էին տոնական միջոցառում՝ նվիրված հաշմանդամների միջազգային օրվան: Միջոցառումը. անցկացվեց <<Բոլորս հավասար ենք>> խորագրի ներքո: Բեմ էին բարձրացել կրթության առանձնահատուկ պայմանների կարիք ունեցող աշակերտները և ներկայացրեցին մի գեղեցիկ, գողտրիկ միջոցառում: Միջոցառումից հետո երեխաներին անակնկալ էր սպասում, դպրոցի տնօրեն Մ. Հայրապետյանը երեխաներին հյուրասիրեց քաղցրահամ տորթով և անուշահամ մրգերով: Գեղեցիկ երաժշտությունը և բազմամասնագիտական թիմի հոգատար վերաբերմունքը երեխաների օրը իսկական տոն էին դարձրել...

Միջազգային հյուրեր

11/27/2014

Երևանի Ֆ. Նանսենի անվան հ. 150 հիմնական դպրոցը առաջիններից էր, որ իրականացրեց ներառական կրթությունը Հայաստանում: Շուրջ 10 տարի է դպրոցը իրականացնում է ներառական կրթություն: Դպրոցում առկա են թեքահարթակներ և բոլոր անհրաժեշտ պայմանները կրթության առանձնահատուկ պայմանների կարիք ունեցող աշակերտների համար:
Այսօր դպրոցում սովորում է 814 աշակերտ, որից 87-ը ներառական կրթության: Դպրոցը հանդիսանում է որպես վերապատրաստող դպրոց, ինչն էլ առիթ է հանդիսանում բազմաթիվ հյուրերի, դիտորդների այցելությանը:
Նոյեմբերի 27-ին դպրոցը կրկին իր հյուրընկալ դռներն էր բացել: Դպրոց էին այցելել միջազգային դիտորդներ: Նրանք ուսումնասիրեցին ներառական կրթությունը դպրոցում, կատարեցին դասալսումներ, ուսումնասիրեցին դպրոցի պայմանները և առանձնահատուկ պայմանների կարիք ունեցող աշակերտներին: Նրանք հայտնեցին իրենց գոհունակությունը, շնորհակալություն հայտնեցին դպրոցի տնօրենին աշխատանքի բարձր մակարդակի և հյուրընկալության համար: Դպրոցից հեռացան բարձր տրամադրությամբ և գոհունակությամբ:

Ռուսերենի 10-օրյակ

10/17/2014

Երևան Ֆ. Նանսենի անվան հ. 150 հիմնական դպրոցում հայտարարված էր ռուսերենի 10-օրյակ:
10-օրյակի հետ զուգահեռ հանրապետությունում հայտարարված էր ռուսերենի 1-ամսյակ` "Дни русского языка в Армении":
Տասնօրյակի շրջանակներում դպրոցում անցկացվեցին բաց դասեր, խաղ-վիկտորինաներ, համակարգչային դասեր : 10-ճրյակն ավարտվեց գեղեցիկ միջոցառմամբ:
Դպրոցում անցկացվեց նաև ռուսական երգի փառատոնը, հաղթող ճանաչված աշակերտները կմասնակցեն «Երգը բարեկամության կամուրջ է» ռուսական երգի մրցույթի քաղաքային փուլին:
Ֆ. Նանսենի անվան հ. 150 հիմնական դպրոցը հայկական դպրոց է ռուսերենի խորացված կրթությամբ և իր փորձառու և բանիմաց մանկավարժների շնորհիվ միշտ պատվով է ներկայացել արտադպրոցական ռուսական միջոցառումներին, ստացել է բազում մրցանակներ:

Միջոցառում 4ա դասարան

«Ա» տառի հանդիսավոր դաս- միջոցառում

10/16/2014

Հոկտեմբերի 17-ին, Երևանի Ֆ. Նանսենի անվան հ. 150 հիմնական դպրոցի 1-ին դասարանի աշակերտները, դասվարներ՝ Անահիտ Առաքելյանի, Աննա Ստեփանյանի, Հայկուհի Կիրակոսյանի, Անի Աղաբեկյանի հետ միասին հանդես եկան «Ա» տառի հանդիսավոր դաս- միջոցառմամբ: Նրանք ներկայացրեցին, որ 405 թվից մինչ օրս հազարավոր սերունդներ, սովորում են հայոց այբուբենը և Ա տառով մուտք գործում տառերի գանձարան: Ու բացվում է հրաշքների աշխարհը:
Ուսուցանվեց «Ա» հնչյուն-տառը, ներկայացվեց տիկնիկային, երգերի ներքո ներկայացրեցին «Ա» տառը:
Երեխաների համար ամենամեծ տոնն էր , փառավոր այբբենարանի առաջին տառի էջն էին բացում: Այսօրվանից իրենցն էր հավետ տառերը սիրուն, ու կյանքի բոլոր ճամփաներում պիտի քայլեն իրար հետ: Գրել, կարդալ, սիրել լեզուն, մեծ Մաշտոցին արժան ու հավատարիմ լինել: Երբեք չդավաճանել, շատ գրքեր կարդալ, որ հասկանան նոր արժեքներ: Քանզի մեսրոպատառ, աստվածատուր այբուբենը մեր դար ու դարեր մաքառել է, երթը պահել մեր աննահանջ: Բազում սերունդներ են սերտել խորհուրդը բազմահանճար, հերթը եկել իրենց է հասել, երդվեցին պահել արժանապատվորեն:
Օրվա խորհրդով համտեսեցին «Ա» տառի բլիթները: Դպրոցի տնօրեն Մ. Հայրապետյանը մաղթեցմաղթեց, բարի երթ խորհրդավոր տառերի անսովոր աշխարհում:

1ա

Iգ դասարան

Iբ դասարան

Iդ դասարան

Շախմատի ներդպրոցական մրցույթ

10/16/2014

Երևանի Ֆ.Նանսենի անվան հ. 150 հիմնական դպրոցում անցկացվել է ՀՀ դպրոցականների շախմատի 9-րդ օլիպիադայի ներդպրոցական փուլը:
Դպրոցը կազմակերպում և անցկացնում է ներդպրոցական մրցումներ՝ դպրոցի հավաքական թիմ ընտրելու նպատակով, որը և կմասնակցի հաջորդ՝ համայնքային փուլին:
Ներդպրոցական փուլի հաղթող են ճանաչվել 3 աշակերտներ 8-րդ ա և 4-րդ ա դասարաններից:

Նանսենի անունը կրող այգում

10/11/2014

Հոկտեմբերի 11-ին, Երևանի Նոր Նորք վարչական շրջանի Նանսենի փողոցում Ֆրիտյոֆ Նանսենի անունը կրող այգում տեղի ունեցավ մեծ մարդասերի անունը կրող թանգարանի, նրա տարածքում նորակառույց եկեղեցու և թանգարանի տարածքում տեղադրված 8 խաչքարերի օծման արարողությունը:Այդ արարողությանը ինչպես նև Էրեբունի Երևան տոնակատարությանը իր մասնակցությունը ունեցավ նաև Ֆ. նանսենի անվան հ. 150 հիմնական դպրոցը:

Շնորհավոր տոնդ սիրելի ուսուցիչ

10/10/2014

Հանդիպում ծնողների հետ

10/7/2014

Ֆ. Նանսենի անվան հ.150 հիմնականան դպրոցում հոկտեմբերի երեքին տեղի ունեցավ հերթական հանդիպումը <<ներառական կրթություն>> ծրագրում ներառված աշակերտների ծնողների հետ, որտեղ ներկա էին դպրոցի տնօրեն` Մ. Հայրապետյանը, փոխտնօրեն` Ա. Սուքիասյանը, Ա. Սահակյանը և բազմամասնագիտական թիմի անդամները: Ներկայացրվեց ներառական կրթություն ծրագրի բովանդակությունն ու նպատակը, բազմամասնագիտական թիմի կողմից կատարված աշխատանքները, նշվեց ԱՈՒՊ-ների նախապատրաստական աշխատանքների ժամանակացույցի կազմումը: Ծնողները հանդես եկան իրենց առաջարկություներով: Արդյունքում կա ամուր համագործակցություն՝ բազմամասնագիտական թիմ, ուսուցիչներ և ծնողներ: Ծնողների հետ հանդիպում շարունակական է լինելու:

Էրեբունի - Երևան

10/6/2014

Իբրև դարերից եկած և դարեր վերապրած ստեղծագործություններ, ավանդությունները հաճախ ավելի տոկուն են, քան նույնիսկ գրավոր աղբյուրները: Շատ բան, որ չի մնացել անգամ որձաքարերին դրոշմված արձանագրությունների մեջ, կուլ գնալով տարերքին կամ մարդու ավերիչ ձեռքին, պահպանել է ժողովրդի դիմակայուն հիշողության մեջ և հասել մինչև մեր օրերը:
Այդ նպատակով IIIա դասարանը, ծնողների նախաձեռնությամբ, կատարեցին այց «Էրեբունի» պատմահնագիտական արգելոց-թանգարանը: Աշակերտները ծանոթացան Երևան քաղաքի 2796 տարվա պատմությանը, որը կրել է կազմաթիվ վերելքներ և վայրէջքներ: