Ֆ. Նանսենի անվան հ. 150 հիմնական դպրոցում անցկացվեց դաս «Ապահով համացանց» թեմայով:Դասն անցկացվեց 9-րդ և 7-րդ դասարանցիների հետ` Orange Արմենիա ընկերությունը` «Մեդիակրթության կենտրոնի» և«Ինտերնետ Հանրություն» կազմակերպությունների հետ համատեղ:Դասի նպատակն էր՝ երեխաներին տրամադրել  անհրաժեշտ տեղեկություններ եւ ուսումնական նյութեր, որոնք կօգնեն նրանց ապահով եւ արդյունավետ օգտագործել նոր տեխնոլոգիաները ուսման մեջ եւ առօրյա կյանքում:  

  «Աշունն է», կարծես նկարչի մի անտես ձեռք  իր շռայլ ներկապնակով աշնան պատկերներ է վրձնել աշակերտական սեղաններին, գրատախտակին` նախշուն տերևներով, մրգերով, ծաղիկներով:
   Երևանի Ֆ. Նանսենի անվան հ. 150 հիմնական դպրոցի 2ա դասարանում դաս էր <<Աշուն>> թեմայով: Երեխաները զարդարվել էին աշնան հրաշք գույներով ու մրգերով, ոգևորությամբ նկարագրում  ու գովերգում էին աշունը:

   Սեպտեմբերի 20-ին  Նոր Նորքի թաղապետարանը կազմակերպել էր միջոցառում` նվիրված ՀՀ անկախության օրվան: Միջոցառմանը մասնակցել ենԵրևանի Ֆ.Նանսենի անվան հ. 150 հիմնական դպրոցի 8-րդ դասարանի աշակերտները:

  Այսօր Հայաստանի Անկախության օրն է: 1991 թվականի սեպտեմբերի 21-ին հայ ժողովուրդը քվեարկեց հանուն Հայաստանի անկախ ապագայի: Այդ նույն օրն էլ Հայաստանի Գերագույն խորհուրդը որոշում ընդունեց ԽՍՀՄ-ից անկախանալու և անկախ պետություն ստեղծելու մասին:
  Սեպտեմբերի 20-ին 7ա դասարանում դասղեկի ժամ էր, դասը նվիրված էր անկախության 22-ամյակին: Դասարանի դասղեկ Մ. Գրիգորյանը, որը պատմության մասնագետ է  մեծ հպարտությամբ և ոգևորությամբ աշակերտներին պատմեց, թե ինչպես անկախացավ մեր երկիրը: Աշակերտները մեծ ուշադրությամբ լսեցին դասը, տվեցին հարցեր, դասարանը լցված էր հայրենասիրական  ոգով: Դասի ժամանակ                                                                                           ցուցադրվեց նաև շնորհանդես:

  2013-2014 ուսումնական տարվա մեկնարկը տրված է:   Սեպտեմբերի մեկն է,  հ. 150 հիմնական  դպրոցը իր  հյուրընկալ  դռներն է բացել աշակերտների և ծնողների առջև:Դպրոցի բակում հավաքվել են դպրոցի սաները, ուսուցիչները, ծնողները:Դպրոցի բակում են նաև առաջին դասարան ընդունված աշակերտները` հետաքրքրաշարժ փայլուն աչիկներով: Դպրոցում արդեն ավանդույթ է դարձել սեպտեմբերի 1-ին գովասանագրերի բաշխման արարողությունը:Օրն իր հետ բերել էր  բազմաթիվ շնորհավորանքներ, բարեմաղթանքներ: