Երևանի Ֆ. Նանսենի անվան հ.150 հիմնական դպրոցում տոնական տրամադրություն է տիրում: Տոնական տրամադրությունը սկսվել էր դեռ դպրոցի արտաքին տեսքի ձևավորումից: Ձևավորման աշխատանքներին մեծ սիրով ու եռանդով մասնակցեցին ուսուցչները, ծնողները և դպրոցի սաները:
 Այսօր դպրոցում կրկեսային ներկայացում էր, որը դիտեցին 1-6-րդ դասարանի աշակերտները:Կրկեսային ծրագիրը  հետաքրքիր էր և տոնական, որը աշխույժություն և հետաքրքիր պահեր պարգևեց դպրոցի սաներին:

 Դեկտեմբերի 10-ին Երևանի Ֆ. Նանսենի անվան հ. 150 հիմնական դպրոցի տնօենության և բազմամասնագիտական թիմի կողմից  անցկացվեց ժողով <<Ներառականկրթություն>>  ծրագրում ընդգրկված 1-ին դասարանցիների ծնողների հետ: Արդյունքում քննարկվեցին օրակարգում ընտրված հետևյալ հարցերը` ներկայացնել 1-ին կիսամյակում կատարված աշխատանքները, ձեռքբերումները ըստ ԱՈՒՊ-ների և աշխատանքի ընթացքում առաջացած խնդիրները, ծնողական պարտականությունները, առաջարկություններ բազմամասնագիտական թիմի և ծնողների կողմից: 

     1992թ. ՄԱԿ-ի գլխավոր ասամբլեայի որոշմամբ դեկտեմբերի 3-ին նշվում է Հաշմանդամների միջազգային օրը: Օրվա նպատակն է հասարակությանը իրազեկել հաշմանդամություն ունեցող անձանց և նրանց հուզող խնդիրների մասին:
  Երևանի Ֆ. Նանսենի անվան հ. 150 հիմնական դպրոցում 2003 թվականից միչև օրս  իրականացվում է <<Ներառական կրթություն>>`  սկզբում <<Հույսի կամուրջ>> հասարակական կազմակերպության հետ, արդյունքում  2004 թ-ից դպրոցը ԿԳՆ-ի կողմից ճանաչվեց <<Ներառական կրթություն>>  իրականացնող փորձարարական դպրոց: 2007 թ-ին դպրոցը ճանաչվեց որպես <<Ներառական կրթություն>> ռեսուրս  կենտրոն: Դպրոցում գործում է կրթության առանձնահատուկ պայմանների կարիք ունեցող երեխաների կրթությամբ ու դաստիարակությամբ զբաղվող <<Մենք բոլորս հավասար ենք>> խումբը, որի կազմում ընդգրկված են դպրոցի ծնողներ, լոգոպեդներ, հոգեբաններ, ուսուցիչներ և աշակերտներ: Դեկտեմբերի 3-ին դպրոցի մանկավարժական կոլեկտիվի և ծնողների կողմից իրականացվեց  միջոցառում հաշմանդամների արժանապատվությունը և իրավունքները պաշտպանելու, նրանց վիճակը բարելավելու և միաժամանակ նրանց հասարակության լիարժեք անդամ դարձնելու ուղղությամբ: